3 жніўня, Токіа /Кар. БЕЛТА/. На галоўнай арэне Алімпіяды - Нацыянальным стадыёне японскай сталіцы прадаўжаюцца старты лёгкаатлетаў, перадае карэспандэнт БЕЛТА.
Беларускі спартсмен Віталь Парахонька не змог прабіцца ў паўфінал бегу на дыстанцыі 110 м з бар'ерамі. У сваім папярэднім забегу ён паказаў рэзультат 13,61 сек і заняў пятае месца, пры тым што прамыя пропускі ў паўфінал атрымлівала першая чацвёрка. У беларуса яшчэ заставаліся шанцы прайсці па лепшым часе, але ў астатніх кваліфікацыйных забегах яго канкурэнты прабеглі хутчэй.
У вячэрняй лёгкаатлетычнай праграме чатыры медальныя намінацыі: мужчыны вызначаць наймацнейшых у сектары для скачкоў з шастом, а жанчыны - у кіданні молата, бегу на 800 і 200 м. У гэтых спаборніцтвах беларускія атлеты не будуць змагацца за алімпійскія ўзнагароды.-0-