Фота з архіва
20 жніўня, Мінск /Кар. БЕЛТА/. Беларускі барэц Кірыл Валеўскі гарантаваў медаль першынства планеты сярод спартсменаў не старэйшых за 17 гадоў, што прымае сталіца Іарданіі Аман, паведамляе карэспандэнт БЕЛТА.
Прадстаўнік грэка-рымскага стылю Валеўскі выступае ў вагавой катэгорыі да 71 кг. Сёння ў першым раўндзе беларус перамог Самвэла Тэрцерана з Арменіі (3:2), у чвэрцьфінале быў мацнейшы за кітайца Дзіньхаа Ву (8:0), а ў паўфінале разабраўся з Бехрузбекам Валіевым з Узбекістана (7:4). Заўтра ў паядынку за золата процістаяць нашаму спартсмену будзе расіянін Уладзіслаў Бырля. Два месяцы таму Кірыл Валеўскі заваяваў золата юнацкага чэмпіянату Еўропы ў Сербіі, на год раней беларус таксама быў мацнейшым на кантыненце ў сваёй узроставай групе.
Таксама сёння на дыван у Амане ў вагавой катэгорыі да 92 кг у "грэка-рымлян" выходзіў Канстанцін Касьян. У кваліфікацыі наш барэц справіўся з бразільцам Рафаэлем Радрыгешам, у наступным крузе адолеў амерыканца Эвана Макгуайра, але ў чвэрцьфінале ўступіў іранцу Даніялу Бігдзілу. Дзякуючы далейшаму праходжанню крыўдзіцеля ў фінал Касьян трапіў у суцяшальны турнір за трэцяе месца, схваткі ў рамках якога адбудуцца ў сераду раніцай.
Акрамя таго, заўтра выступленні ў сталіцы Іарданіі пачнуць дзяўчаты, у першы дзень спаборніцтваў па жаночай барацьбе нашу каманду прадставяць Нурана Асадлі (да 43 кг), Ксенія Касценіч (да 49 кг), Паліна Брагінец (да 57 кг), Настасся Каманова (да 65 кг) і Ганна Пірская (да 73 кг). Юнацкае першынство свету прадоўжыцца па 25 жніўня.-0-
Прадстаўнік грэка-рымскага стылю Валеўскі выступае ў вагавой катэгорыі да 71 кг. Сёння ў першым раўндзе беларус перамог Самвэла Тэрцерана з Арменіі (3:2), у чвэрцьфінале быў мацнейшы за кітайца Дзіньхаа Ву (8:0), а ў паўфінале разабраўся з Бехрузбекам Валіевым з Узбекістана (7:4). Заўтра ў паядынку за золата процістаяць нашаму спартсмену будзе расіянін Уладзіслаў Бырля. Два месяцы таму Кірыл Валеўскі заваяваў золата юнацкага чэмпіянату Еўропы ў Сербіі, на год раней беларус таксама быў мацнейшым на кантыненце ў сваёй узроставай групе.
Таксама сёння на дыван у Амане ў вагавой катэгорыі да 92 кг у "грэка-рымлян" выходзіў Канстанцін Касьян. У кваліфікацыі наш барэц справіўся з бразільцам Рафаэлем Радрыгешам, у наступным крузе адолеў амерыканца Эвана Макгуайра, але ў чвэрцьфінале ўступіў іранцу Даніялу Бігдзілу. Дзякуючы далейшаму праходжанню крыўдзіцеля ў фінал Касьян трапіў у суцяшальны турнір за трэцяе месца, схваткі ў рамках якога адбудуцца ў сераду раніцай.
Акрамя таго, заўтра выступленні ў сталіцы Іарданіі пачнуць дзяўчаты, у першы дзень спаборніцтваў па жаночай барацьбе нашу каманду прадставяць Нурана Асадлі (да 43 кг), Ксенія Касценіч (да 49 кг), Паліна Брагінец (да 57 кг), Настасся Каманова (да 65 кг) і Ганна Пірская (да 73 кг). Юнацкае першынство свету прадоўжыцца па 25 жніўня.-0-
Падпісвайцеся на нас у
