Сцяг Пятніца, 29 сакавіка 2024
Усе навіны
Усе навіны
Спорт
10 красавіка 2019, 09:31

Беларус Вадзім Ліхарад заваяваў бронзу на ЧЕ па цяжкай атлетыцы ў Грузіі

10 красавіка, Мінск /Кар. БЕЛТА/. Беларус Вадзім Ліхарад заваяваў бронзавы медаль на чэмпіянаце Еўропы па цяжкай атлетыцы, які праходзіць у Батумі (Грузія), паведамляе карэспандэнт БЕЛТА.

У вагавой катэгорыі да 73 кг Вадзім Ліхарад у першай спробе ў рыўку паказаў рэзультат 153 кг і стаў уладальнікам малой сярэбранай узнагароды, у другім практыкаванні штуршку беларус змог падняць штангу вагой 182 кг і набраў у суме дваябор'я 335 кг. Чэмпіёнам Еўропы стаў Бажыдар Андрэеў з Балгарыі - 345 кг (153 +192 кг). Другое месца заняў спартсмен з Албаніі Брыкен Каля - 339 кг (156 + 183 кг).

Сёння, у пяты дзень спаборніцтваў, сярод беларусаў за медалі чэмпіянату Еўропы пазмагаюцца Настасся Міхаленка (71 кг), Ігар Лазко (81 кг) і Пётр Асаёнак (81 кг).

На гэты момант у актыве зборнай Беларусі тры ўзнагароды ў дваябор'і. Раней чэмпіёнам Еўропы стаў Генадзь Лапцеў (61 кг), бронзу заваявала Юлія Асаёнак (45 кг).

За 60 камплектаў узнагарод на кантынентальным форуме спаборнічаюць больш за 400 атлетаў з 47 краін. Гэты турнір мае статус ліцэнзійнага. Яго ўдзельнікі змогуць заваяваць ачкі, неабходныя для выступлення на Алімпійскіх гульнях у Токіа ў 2020 годзе. Завершыцца чэмпіянат Еўропы 13 красавіка.-0-

Падпісвайцеся на нас у
Twitter
Топ-навіны
Свежыя навіны Беларусі