29 лістапада, Мінск /Кар. БЕЛТА/. Беларус Уладзіслаў Ганчароў лідзіруе пасля кваліфікацыйных стартаў чэмпіянату свету па скачках на батуце ў індывідуальных стартах у мужчын. Спаборніцтвы праходзяць у Токіа, паведамляе карэспандэнт БЕЛТА.
Па выніках двух практыкаванняў спартсмен набраў 115,44 бала. Следам размясціліся атлеты з Кітая Гаа Лей (114,995) і Дон Дон (114,01).
Што датычыцца асобных беларусаў, то Алег Рабцаў са 112,19 пункта займае 8-е месца, а вось Аляксей Дудараў (109,17) - 25-ы радок падагульняючага пратакола.
Па выніках каманднай кваліфікацыі беларусы ідуць другімі з 341,34 бала. Наперадзе кітайцы (342,535). Трэцяе месца за расіянамі (334,815).
У жаночых ідывідуальных стартах сітуацыя не такая спрыяльная для беларускіх спартсменак. Лепшая з іх Ангеліна Хацян заняла 37-е месца, Валянціна Багамолава - 40-е, а Марыя Махарынская з-за памылкі ў другім практыкаванні заняла 70-е месца.
29 лістапада адбудзецца кваліфікацыйны раўнд у сінхронных скачках, а таксама камандны фінал.-0-