Раман Цішкоў. Фота з VK-акаўнта Беларускай федэрацыі веласпорту
21 студзеня, Мінск /Кар. БЕЛТА/. Беларускі велагоншчык Раман Цішкоў заняў другое месца на этапе Кубка свету на велатрэку ў Кембрыджы (Новая Зеландыя), паведамляе карэспандэнт БЕЛТА.
Сярэбраную ўзнагароду ён выйграў у адной з самых складаных дысцыплін - омніуме. Па выніках чатырох гонак Раман Цішкоў набраў 112 ачкоў. Усяго толькі на адзін бал апярэдзіў беларуса швейцарац Клаўдзіа Імхоф - 113 балаў. Бронзавым прызёрам у омніуме стаў італьянец Ліям Бертаца - 108 ачкоў.
Заключны этап Кубка свету па веласпорце на трэку пройдзе з 25 па 27 студзеня ў Ганконгу. Галоўнымі стартамі бягучага сезона на велатрэку стануць чэмпіянат свету (27 лютага - 3 сакавіка) у польскім Прушкаве і II Еўрапейскія гульні, якія пройдуць у Мінску з 21 па 30 чэрвеня.-0-
