12 верасня, Мінск /Кар. БЕЛТА/. Форвард бабруйскага "Дынама-Шынніка" Іван Аношка прызнаны лепшым навічком першага тыдня рэгулярнага чэмпіянату МХЛ, паведамляе БЕЛТА са спасылкай на прэс-службу лігі.
Сезон Маладзёжнай хакейнай лігі пачаўся для "Дынама-Шынніка" з трох матчаў супраць каманд з Тулы. Бабруйчане абмяняліся перамогамі з клубам "АКМ-Юніёр" (4:3, 2:3) і прайгралі "Акадэміі Міхайлава" (3:5). У кожнай з гэтых сустрэч рэзультатыўныя балы набіраў Іван Аношка, усяго на рахунку 17-гадовага форварда 6 ачкоў (3 шайбы і 3 перадачы). Акрамя таго, нападаючы бабруйскай каманды заблакіраваў тры кідкі сапернікаў, правёў тры сілавыя прыёмы, нанёс восем кідкоў і зрабіў пяць адбораў.
Наступны гасцявы матч у МХЛ "Дынама-Шыннік" правядзе сёння зноў супраць тульскай "Акадэміі Міхайлава". Паядынак стартуе ў 19.00.-0-
