19 красавіка, Мінск /Кар БЕЛТА/. Беларус Ілья Палазкоў выйграў сярэбраную ўзнагароду на этапе Кубка свету па сучасным пяцібор'і, які завяршыўся ў Сафіі, паведамляе карэспандэнт БЕЛТА.
Ілья Палазкоў набраў суму 1427 балаў. Апярэдзіць яго ўдалося толькі брытанскаму спартсмену Джозэфу Чуну. У заключным відзе праграмы пераможца апярэдзіў магіляўчаніна ў галоўнай камандзе краіны на восем секунд і набраў канчатковыя 1435 пунктаў. Трэцяе месца заняў венгерскі пяціборац Роберт Каса. Ён адстаў ад лідара на 16 секунд, а па выніках пяці відаў праграмы набраў 1419 ачкоў.
Яшчэ адзін беларускі пяціборац Яраслаў Радзюк з сумай 1307 ачкоў заняў у падагульняючым пратаколе 35-е месца.
Такім чынам, беларуская каманда заваявала ў Сафіі дзве ўзнагароды. Напярэдадні бронзу ў спаборніцтвах жанчын выйграла Настасся Пракапенка. Адзначым, што гэта апошні этап перад фіналам Кубка свету.-0-
