4 лютага, Мінск /Кар. БЕЛТА/. Беларускі тэнісіст Ілья Івашка (152-і нумар рэйтынгу АТР) паспяхова стартаваў на турніры ў індыйскай Пуне з прызавым фондам $546 тыс., паведамляе карэспандэнт БЕЛТА.
Сёння ў паядынку першага раўнда адзіночнага разраду Ілья Івашка абыграў расіяніна Яўгена Данскога (109) - 6:3, 6:2 і выйшаў у 1/8 фіналу.
Таксама сёння беларускі тэнісіст Ягор Герасімаў (90) у 1/16 фіналу адзіночнага разраду атрымаў перамогу ў двух сэтах над італьянцам Паола Ларэнцы (115) - 6:2, 6:3.
Заўтра ў першым раўндзе парнага разраду беларус Андрэй Васілеўскі і ізраільцянін Ёнатан Эрліх сустрэнуцца з аўстралійскім дуэтам Джэймс Дакварт / Мэт Рыд.
Спаборніцтвы ў Пуне завершацца 9 лютага.-0-