14 снежня, Мінск /Кар. БЕЛТА/. Гомельскі БЧ замацаваўся на першым месцы ў турнірнай табліцы чэмпіянату Беларусі па міні-футболе, паведамляе карэспандэнт БЕЛТА.
13 снежня гамяльчане прымалі на сваёй пляцоўцы светлагорскі ЦКК і атрымалі валявую вікторыю з лікам 4:3. Па ходзе гульні гаспадары ўступалі 0:2, але змаглі пераламаць ход сустрэчы і ў выніку дабіліся перамогі.
У мінскім палацы спорту "Уручча" спартсмены "Сталіцы" разграмілі гродзенскі клуб "УУС-Дынама" з рэзультатам 8:3.
Раней сталічны "Дарожнік" у сябе дома атрымаў валявую перамогу над "Барысавам-900" - 2:1. Яшчэ за 7 мінут да завяршэння сустрэчы падапечныя Валерыя Дасько ўступалі гасцям, але потым Яўген Дунаеў скараціў разрыў, а на апошняй мінуце гульні Вадзім Ціткоў забіў пераможны мяч. Спартсмены "Мінска" перамаглі землякоў з "Дынама-БНТУ" з рэзультатам 5:3. Аўтсайдары першынства зноў не парадавалі сваіх балельшчыкаў, пацярпеўшы дамашнія паражэнні ад фаварытаў. "Ліда" з сухім лікам 0:6 уступіла дзеючаму чэмпіёну краіны аршанскаму "Вітэну", а ў Брэсце мясцовы клуб "Першы рэгіён" прайграў гомельскаму ВРЗ з рэзультатам 1:13.
Становішча ў лідзіруючай групе: БЧ - 30 ачкоў (11 матчаў), "Сталіца" - 27 (10), ВРЗ - 26 (11), "Вітэн" - 25 (10), "Мінск" - 24 (11). Унізе табліцы "Першы рэгіён", у якога пакуль толькі адзін заліковы бал, 3 ачкі ў актыве "Ліды".
Спіс лепшых бамбардзіраў узначальвае Алег Гарбенка ("Сталіца"), які забіў 13 мячоў.
Матчы наступнага тура пройдуць 18-19 снежня.-0-