9 жніўня, Мінск /Кар. БЕЛТА/. У футбольнай Лізе чэмпіёнаў вызначыліся апошнія ўдзельнікі чвэрцьфінальнай стадыі, паведамляе карэспандэнт БЕЛТА.
Чэмпіён Германіі мюнхенская "Баварыя" пасля значнай вікторыі ў Лондане над англійскім "Чэлсі" (3:0) у сустрэчы ў адказ 1/8 фіналу на сваёй арэне таксама дабілася поспеху з перавагай тры мячы - 4:1. Лепшы бамбардзір гэтага сезона ЛЧ польскі форвард мюнхенцаў Роберт Левандоўскі аформіў галявы дубль, і цяпер на яго рахунку 13 мячоў у гэтым турніры.
Сапернікам баварцаў у 1/4 фіналу будзе іспанская "Барселона", якая перамагла на сваім полі італьянскі "Напалі" з рэзультатам 3:1. Усе мячы ў гэтай сустрэчы былі забіты да перапынку - спачатку Клеман Ленгле, Ліянэль Месі і Луіс Суарэс (з пенальці) забілі тры галы ў вароты гасцей, а ў самай канцоўцы першага тайма Ларэнца Інсінье рэалізаваў пенальці, скараціўшы разрыў. У другой палавіне сустрэчы рэзультат не змяніўся. Іх першы паядынак у Неапалі завяршыўся ўнічыю - 1:1.
Пачынаючы з 1/4 фіналу матчы чэмпіёнскай Лігі пройдуць у партугальскім Лісабоне:
12 жніўня
"Аталанта" (Бергама, Італія) - "Пары Сен-Жэрмен" (Францыя);
13 жніўня
"Лейпцыг" (Германія) - "Атлетыка" (Мадрыд, Іспанія);
14 жніўня
"Баварыя" (Мюнхен, Германія) - "Барселона" (Іспанія);
15 жніўня
"Манчэстэр Сіці" (Англія) - "Ліён" (Францыя).
Паўфінальныя сустрэчы намечаны на 18 і 19 жніўня, вырашальны паядынак 65-га па ліку галоўнага клубнага турніру Старога Свету пройдзе 23 жніўня на полі лісабонскага "Эштадыу да Луш".-0-
