Мабільная версія
ДЗЯРЖОРГАНЫ

Апошнія навіны
Усе навіны

БАТЭ ўступіў "Іслачы" і не выйшаў у 1/2 фіналу Кубка Беларусі па футболе

Спорт 15.03.2019 | 13:12
У час матчу. Фота ФК "Іслач"
У час матчу. Фота ФК "Іслач"

15 сакавіка, Мінск /Кар. БЕЛТА/. Першымі паўфіналістамі розыгрышу Кубка Беларусі сталі футбалісты "Іслачы", паведамляе карэспандэнт БЕЛТА.

Учора ў чвэрцьфінальным паядынку ў адказ, які адбыўся на полі ФК "Мінск", падапечныя Віталя Жукоўскага сенсацыйна абыгралі 15-разовага чэмпіёна краіны барысаўскі БАТЭ з лікам 1:0. Пераможны гол эфектным ударам на 32-й мінуце сустрэчы забіў Дзмітрый Камароўскі. У першай гульні ў "Барысаў-Арэне" гэтыя сапернікі не выявілі пераможцу, завяршыўшы сустрэчу ўнічыю - 1:1.

Сёння адбудуцца яшчэ два матчы 1/4 фіналу, прычым абодва пройдуць у Бабруйску на стадыёне імя Аляксандра Пракапенкі. У 13.00 футбалісты "Слуцка" сустрэнуцца з мінскім "Дынама", якому ўступілі ў першай сустрэчы з лікам 0:2, а ў 17.30 прадстаўнік першай лігі нацыянальнага першынства бабруйская "Белшына" паспрабуе рэабілітавацца за разгромнае паражэнне ў Салігорску ад мясцовага "Шахцёра" (0:5).

Заключны чвэрцьфінальны паядынак адбудзецца 16 сакавіка ў Гомелі. Яшчэ адзін клуб з першай лігі мясцовы "Лакаматыў" згуляе з футбалістамі "Віцебска". У першай сустрэчы віцябчане з цяжкасцю адолелі сапернікаў на сваім полі - 1:0. Для віцебскіх футбалістаў цяперашні кубкавы розыгрыш асаблівы, бо яго вырашальны паядынак пройдзе ў іх родным горадзе, перамога ў ім дасць магчымасць прыняць удзел у кваліфікацыі Лігі Еўропы.-0-

Фота ФК "Іслач"

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сотавая сувязь у Беларусі Паслугі сотавай рухомай электрасувязі ў Беларусі аказваюць тры аператары: ЗАТ "БеСТ", ТАА "МТС" і УП "Велком".