8 чэрвеня, Мінск /Кар. БЕЛТА/. У мінскім Доме футбола адбылася жараб'ёўка 1/16 фіналу розыгрышу Кубка Беларусі, паведамляе карэспандэнт БЕЛТА.
Цяперашнія ўладальнікі Кубка футбалісты барысаўскага БАТЭ ў барацьбе за выхад у 1/8 фіналу новага турніру згуляюць у гасцях з адным з аўтсайдараў першай лігі нацыянальнага першынства мікашэвіцкім "Гранітам". Фіналіст мінулага кубкавага розыгрышу брэсцкае "Дынама" сустрэнецца ў Жыткавічах з лідарам групы А другой лігі мясцовым "Меліяратарам". У мінскім дэрбі "Крумкачы" прымуць "Дынама".
Склады астатніх пар 1/16 фіналу:
"Лакаматыў" (Гомель) - "Слуцк",
"Гомель" - "Шахцёр" (Салігорск),
"Днепр" (Магілёў) - "Іслач" (Мінскі раён),
"Спадарожнік" (Рэчыца) - "Белшына" (Бабруйск),
"Хімік" (Светлагорск) - "Рух" (Брэст),
"Хваля" (Пінск) - "Славія" (Мазыр),
"Баранавічы" - "Віцебск",
"Слонім-2017" - "Нёман" (Гродна),
"Астравец" - "Мінск",
"Орша" - "Энергетык-БДУ" (Мінск),
"Арсенал" (Дзяржынск) - "Смалявічы",
"Ашмяны-БДУФК" - "Тарпеда-БелАЗ" (Жодзіна),
"Нафтан" (Наваполацк) - "Гарадзея".
Дакладныя даты правядзення матчаў стануць вядомы пазней.-0-
