15 чэрвеня, Мінск /Кар. БЕЛТА/. Футбалісты БАТЭ згулялі ўнічыю з салігорскім "Шахцёрам" - 2:2 - у апошнім матчы 13-га тура чэмпіянату Беларусі, паведамляе карэспандэнт БЕЛТА.
Першы тайм паядынку на полі "Барысаў-Арэны" лепш удаўся "Шахцёру", вынікам чаго стаў гол Ігара Івановіча на 8-й мінуце. Гаспадары таксама мелі магчымасці дабіцца поспеху, але не змаглі перайграць абарону салігорцаў на чале з галкіперам Аляксандрам Гутарам. Пасля перапынку барысаўчане пачалі гуляць значна хутчэй, і на заканчэнні гадзіны гульнявога часу Павел Няхайчык зраўнаваў рэзультат - 1:1. Яшчэ праз 17 мінут гаспадары выйшлі наперад пасля гола Максіма Скавыша, але ў хуткім часе Дзмітрый Падстрэлаў зноў зрабіў лік нічыйным - 2:2. БАТЭ па-ранейшаму лідзіруе, апярэджваючы "Шахцёр" на два ачкі.
Рэзультаты астатніх матчаў 13-га тура:"Мінск" - "Іслач" (Мінскі раён) - 0:1, "Гарадзея" - "Слуцк" - 3:0, "Нёман" (Гродна) - "Смалявічы" - 2:0, "Тарпеда-БелАЗ" (Жодзіна) - "Дынама" (Брэст) - 0:2, "Дынама" (Мінск) - "Славія" (Мазыр) - 1:0, "Энергетык-БДУ" (Мінск) - "Белшына" (Бабруйск) - 0:1, "Рух" (Брэст) - "Віцебск" - 0:1.
Турнірнае становішча:БАТЭ - 27 ачкоў (13 матчаў), "Шахцёр" - 25 (13), "Энергетык-БДУ" - 22 (13), "Дынама" (Брэст) - 22 (13), "Тарпеда-БелАЗ" - 22 (13), "Нёман" - 20 (12), "Дынама" (Мінск) - 19 (13), "Іслач" - 19 (13), "Слуцк" - 18 (13), "Віцебск" - 18 ( 13), "Славія" - 15 (13), "Рух" - 15 (13), "Гарадзея" - 15 (13), "Мінск" - 13 (11), "Смалявічы" - 7 (12), "Белшына" - 6 (13).
Спіс лепшых бамбардзіраў узначальваюць Гегам Кадзімян ("Нёман") і Джасурбек Яхшыбоеў ("Энергетык-БДУ"), якія забілі па сем мячоў, на адзін гол менш у актыве Віталя Лісаковіча ("Шахцёр").
У наступным туры сустракаюцца:
19 чэрвеня
"Славія" - "Смалявічы", "Слуцк" - "Нёман";
20 чэрвеня
"Іслач" - "Тарпеда-БелАЗ", "Дынама" (Брэст) - "Гарадзея", "Дынама" (Мінск) - "Энергетык-БДУ";
21 чэрвеня
"Белшына" - БАТЭ, "Віцебск" - "Мінск", "Шахцёр" - "Рух".-0-