15 чэрвеня, Мінск /Кар. БЕЛТА/. У штаб-кватэры УЕФА ў швейцарскім Ньёне прайшла жараб'ёўка 2-га кваліфікацыйнага раўнда Лігі канферэнцый, паведамляе карэспандэнт БЕЛТА.
Віцэ-чэмпіён Беларусі барысаўскі БАТЭ сустрэнецца з турэцкім клубам "Каньяспор".
Уладальнікі Кубка Беларусі футбалісты "Гомеля" згуляюць з грэчаскім "Арысам". Сустрэчы адбудуцца 21 і 28 ліпеня.
Учора прайшла жараб'ёўка 1-га раўнда кваліфікацыі ЛК. Сапернікам бронзавага прызёра чэмпіянату Беларусі мінскага "Дынама" стаў чарнагорскі "Дэчыч" з Тузі. Матчы адбудуцца 7 і 14 ліпеня.
Гульні групавога этапу трэцяга па рангу кантынентальнага турніру пройдуць з 8 верасня па 3 лістапада. Фінальны паядынак другога ў гісторыі розыгрышу Лігі канферэнцый намечана правесці 7 чэрвеня 2023 года на полі "Эдэн Арэны" ў Празе.
Чэмпіён Беларусі салігорскі "Шахцёр" на старце кваліфікацыі Лігі чэмпіёнаў двойчы сустрэнецца са славенскім "Марыбарам". Стартавыя гульні пройдуць 5 і 6 ліпеня, матчы ў адказ адбудуцца 12 і 13 ліпеня. Паядынкі групавой стадыі адбудуцца з 6 верасня па 2 лістапада. Фінал чэмпіёнскай Лігі павінен прайсці 10 чэрвеня ў Стамбуле.-0-