14 мая, Мінск /Кар. БЕЛТА/. Баскетбалісты "Зеніта" ўпершыню прабіліся ў фінал Адзінай лігі ВТБ, паведамляе карэспандэнт БЕЛТА.
У чацвёртым матчы паўфінальнай серыі госці з Санкт-Пецярбурга выйгралі ў Казані ў мясцовага УНІКСа з лікам 75:69. Пазаўчора ў першым гасцявым матчы зенітаўцы таксама перамаглі - 68:67. Да гэтага ў Санкт-Пецярбургу сапернікі абмяняліся перамогамі: спачатку мацнейшымі былі казанцы - 74:65, а потым гаспадары ўзялі рэванш з лікам 76:67. На папярэдняй стадыі баскетбалісты "Зеніта" выйгралі ў краснаярскага "Енісея", а казанскі клуб перамог саратаўскі "Аўтадор".
Раней у другой паўфінальнай серыі дзеючыя чэмпіёны баскетбалісты ЦСКА перамаглі краснадарскі клуб "Лакаматыў-Кубань". у чвэрцьфінале ЦСКА абыграў "Ніжні Ноўгарад", а "Лакаматыў Кубань" быў мацнейшы за пермскую "Парму".
Такім чынам, ЦСКА і "Зеніт" паспрачаюцца за чэмпіёнскі тытул, а УНІКС і "Лакаматыў-Кубань" вызначаць уладальніка бронзавых узнагарод.
Баскетбалісты "Цмокі-Мінск" у гэтым рэгулярным сезоне "банкаўскага" турніру атрымалі толькі тры перамогі і не трапілі ў плэй-оф.
У фінальнай серыі мінулага турніру Адзінай лігі ВТБ баскетбалісты ЦСКА перамаглі УНІКС, заваяваўшы свой дзясяты чэмпіёнскі тытул. Маскоўскія армейцы толькі аднойчы, у 2011 годзе, уступілі золата падмаскоўным "Хімкам".-0-
