29 лістапада, Мінск /Кар. БЕЛТА/. Баскетбалісты зборнай Беларусі пасля першай часткі адборачнага турніру чэмпіянату свету займаюць прешае месца ў кваліфікацыйнай групе В, паведамляе карэспандэнт БЕЛТА.
Пасля дамашняй вікторыі над туркамі з лікам 84:70 беларусы затым уступілі ў Салоніках камандзе Грэцыі з рэзультатам 67:77. Аднак, нягледзячы на паражэнне, галоўны трэнер беларускай каманды Расціслаў Вяргун застаўся задаволены гульнёй сваіх падапечных. Ён адзначыў, што да ігракоў не можа быць ніякіх прэтэнзій па самааддачы і жаданні змагацца з куды больш вопытным сапернікам, які лічыцца фаварытам групы. Акрамя таго, на баку грэкаў была моцная падтрымка балельшчыкаў і больш чым лаяльнае стаўленне арбітраў. Настаўнік адзначыў, што з нецярпеннем чакае зімовага "акна" адборачных матчаў, калі беларусы двойчы згуляюць з камандай Вялікабрытаніі. 25 лютага 2022 года беларускія баскетбалісты прымуць сапернікаў на сваёй арэне, а 28 лютага згуляюць у гасцях. У першым туры брытанцы перамаглі ў Ньюкасле грэкаў - 78:69, а затым прайгралі ў Стамбуле туркам - 67:84.
Турнірнае становішча ў групе В пасля двух гульнявых дзён: Беларусь 3 ачкі (розніца мячоў - 151-147), Турцыя - 3 (154-151), Грэцыя - 3 (146-145), Вялікабрытанія - 3 (145-153).
Склады астатніх груп еўрапейскай кваліфікацыі:
А - Сербія, Славакія, Бельгія, Латвія.
С - Харватыя, Швецыя, Фінляндыя, Славенія.
D - Ізраіль, Германія, Эстонія, Польшча.
Е - Францыя, Партугалія, Венгрыя, Чарнагорыя.
F - Боснія і Герцагавіна, Літва, Балгарыя, Чэхія.
G - Грузія, Паўночная Македонія, Іспанія, Украіна.
Н - Нідэрланды, Ісландыя, Італія, Расія.
У наступны раўнд адборачнага турніру трапяць па тры лепшыя каманды з васьмі квартэтаў. У выніку пуцёўкі на чэмпіянат свету заваююць 12 прадстаўнікоў Старога Свету.
Фінальны этап 19-га мужчынскага планетарнага баскетбольнага форуму пройдзе з 25 жніўня па 10 верасня 2023 года на арэнах Японіі, Інданезіі і Філіпін. У ім прымуць удзел 32 каманды з усіх кантынентаў.-0-
