![](https://blr.belta.by/images/storage/news/with_archive/2024/000028_1715787318_131254_big.jpg)
15 мая, Мінск /Кар. БЕЛТА/. У сталічным Палацы спорту пачалася залатая серыя 32-га мужчынскага чэмпіянату Беларусі па баскетболе, паведамляе карэспандэнт БЕЛТА.
У стартавым паядынку дзеючыя чэмпіёны краіны баскетбалісты "МІНСКА" абыгралі "Гродна-93" з лікам 75:66. Па ходзе гульні перавага гаспадароў дасягала 18 ачкоў, але ў канцы госці прыбавілі ў руху і змаглі крыху скараціць адставанне. Другая сустрэча гэтых сапернікаў таксама пройдзе ў Палацы спорту - 17 мая (пачатак гульні ў 16.30), а 22 мая каманды сустрэнуцца на пляцоўцы спартыўнага комплексу "Алімпія" ў Лідзе. Уваход на паядынкі свабодны. Мінчане на працягу 15 гадоў нікому не ўступаюць чэмпіёнскі тытул, год таму яны таксама сустракаліся з камандай Дзмітрыя Кузьміна ў залатой серыі, і тады тройчы перамаглі гродзенскіх баскетбалістаў - 71:67, 107:74, 105:63.
У серыі за трэцяе месца магілёўскаму "Барысфену" засталося атрымаць адну вікторыю над віцебскім "Рубонам", каб заваяваць бронзавыя ўзнагароды. Заўтра каманды згуляюць у Віцебску, а ў Магілёве падапечныя Андрэя Крываноса двойчы ўпэўнена перамаглі віцябчан - 91:73 і 85:67.
Таксама заўтра можа вызначыцца чэмпіён у спаборніцтвах жаночых каманд. Гэта адбудзецца ў Маладзечне ў выпадку трэцяй перамогі баскетбалістак "МІНСКА" над дзеючым чэмпіёнам "Гарызонтам", які прадстаўляе Мінскую вобласць. У двух дамашніх паядынках залатой серыі каманада Андрэя Ваўлева атрымала дзве вікторыі над падапечнымі Наталлі Трафімавай - 74:51 і 80:64. У гэтым сезоне "МІНСК" не прайграў яшчэ ніводнага матчу. Калі заўтра мінчанкі выйграюць, то заваююць свой сёмы чэмпіёнскі тытул. Апошні раз яны бралі золата ў 2020 годзе, а тры папярэднія сезоны чэмпіёнам быў "Гарызонт". Уладальнік бронзавых узнагарод вызначаны - гродзенская "Алімпія" тройчы перайграла выхаванак сталічнага РДВАР - 69:58, 82:45 і 75:44.-0-![](https://img.belta.by/uploads/files/20240515161546_S_SH8259-01_result.jpg)
![](https://img.belta.by/uploads/files/20240515161156_S_SH8233-01_result.jpg)
![](https://img.belta.by/uploads/files/20240515161749_S_SH8265-01_result.jpg)
![](https://img.belta.by/uploads/files/20240515163302_S_SH8320-01_result.jpg)
Фота Сяргея Шэлега
У стартавым паядынку дзеючыя чэмпіёны краіны баскетбалісты "МІНСКА" абыгралі "Гродна-93" з лікам 75:66. Па ходзе гульні перавага гаспадароў дасягала 18 ачкоў, але ў канцы госці прыбавілі ў руху і змаглі крыху скараціць адставанне. Другая сустрэча гэтых сапернікаў таксама пройдзе ў Палацы спорту - 17 мая (пачатак гульні ў 16.30), а 22 мая каманды сустрэнуцца на пляцоўцы спартыўнага комплексу "Алімпія" ў Лідзе. Уваход на паядынкі свабодны. Мінчане на працягу 15 гадоў нікому не ўступаюць чэмпіёнскі тытул, год таму яны таксама сустракаліся з камандай Дзмітрыя Кузьміна ў залатой серыі, і тады тройчы перамаглі гродзенскіх баскетбалістаў - 71:67, 107:74, 105:63.
![](https://img.belta.by/uploads/files/20240515160414_S_SH8202-01_result.jpg)
![](https://img.belta.by/uploads/files/20240515160716_S_SH8218-01_result.jpg)
![](https://img.belta.by/uploads/files/20240515161546_S_SH8259-01_result.jpg)
![](https://img.belta.by/uploads/files/20240515161156_S_SH8233-01_result.jpg)
![](https://img.belta.by/uploads/files/20240515161749_S_SH8265-01_result.jpg)
![](https://img.belta.by/uploads/files/20240515163302_S_SH8320-01_result.jpg)
![](https://img.belta.by/uploads/files/20240515160511_S_SH8212-01_result.jpg)
Фота Сяргея Шэлега