7 чэрвеня, Мінск /Кар. БЕЛТА/. У Мінску вызначыліся ўдзельнікі фінальнага паядынку баскетбольнай студэнцкай лігі сярод мужчынскіх каманд, паведамляе карэспандэнт БЕЛТА.
Першым фіналістам стала каманда Гродзенскага дзяржаўнага ўніверсітэта імя Янкі Купалы, якая перайграла ў паўфінале сапернікаў з БНТУ з лікам 103:84. У сённяшнім вырашальным паядынку гродзенскія студэнты будуць сапернічаць з прадстаўнікамі БДУІР, якія перамаглі ў другім паўфінальным матчы каманду БДУФК з рэзультатам 93:71. Няўдачнікі паўфінальных сустрэч згуляюць у паядынку за бронзавыя ўзнагароды ўніверсіяды. Матчы праходзяць на пляцоўцы РДВАР па вуліцы Філімонава, уваход на трыбуны свабодны.
У канцы мая спаборніцтвы жаночых студэнцкіх каманд выйгралі баскетбалісткі ГрДУ імя Янкі Купалы, якія перамаглі ў фінале спартсменак БДУФК, бронзу заваявалі студэнткі БДУ, яны абыгралі прадстаўніц БНТУ.-0-
