9 лістапада, Мінск /Кар. БЕЛТА/. Жаночая каманда "Цмокі-Мінск" пацярпела другое паражэнне ў групавым этапе Еўракубка, паведамляе карэспандэнт БЕЛТА.
У паядынку 3-га тура спаборніцтваў папярэдняй групы С чэмпіёнкі Беларусі ў Курску сустракаліся з расійскай "Інвентай" і ўступілі з лікам 46:63.
На старце турніру падапечныя Андрэя Ваўлева перайгралі ў Стамбуле адзін з мацнейшых турэцкіх клубаў "Бешыкташ" з лікам 68:63, а потым у Мінску ўступілі польскай "Вісле" - 56:61.
У іншым матчы баскетбалісткі "Бешыкташа" перайгралі ў сябе дома "Віслу" - 100:71.
Турнірнае становішча пасля трох тураў: "Вісла" - 5 ачкоў, "Інвента" - 5, "Цмокі-Мінск" - 4, "Бешыкташ" - 4.
Свой наступны матч "Цмокі-Мінск" правядуць 29 лістапада на сваёй арэне супраць "Бешыкташа".
У плэй-оф Еўракубка выйдуць па дзве лепшыя каманды з 10 папярэдніх груп.-0-