17 сакавіка, Мінск /Кар. БЕЛТА/. Баскетбалісткі гродзенскай "Вікторыі" сталі першымі паўфіналісткамі чэмпіянату Беларусі, паведамляе карэспандэнт БЕЛТА.
У другім матчы чвэрцьфінальнай серыі да дзвюх перамог "Вікторыя" ў гасцях была мацнейшай за "Гомельскія рысі" - 89:67. На сваёй арэне гродзенская дружына таксама перамагла гамяльчанак - 77:57.
Сёння вечарам пройдуць яшчэ тры матчы за выхад у паўфінальную стадыю. Лідар рэгулярнага першынства "Гарызонт" згуляе на выездзе супраць баскетбалістак брэсцкага клуба "ЦАР-Вікторыя". У першай гульні чэмпіёнкі краіны выйгралі ў брастаўчанак на сваёй пляцоўцы з лікам 82:56. Віцэ-чэмпіёнкі Беларусі баскетбалісткі "Цмокі-Мінск" сустрэнуцца з рэзервісткамі "Гарызонта", якіх разграмілі ў першай сустрэчы з рэзультатам 99:43. Гродзенская "Алімпія" ў Мінску будзе сапернічаць з камандай "БДУ-Цмокі". У Гродне мінчанкі ўступілі з лікам 47:86.-0-