21 красавіка, Мінск /Кар. БЕЛТА/. Баскетбалісткі "Гарызонта" выйшлі наперад у фінальнай серыі чэмпіянату Беларусі, якая прадоўжыцца да трох вікторый, паведамляе карэспандэнт БЕЛТА.
Сёння дзеючыя чэмпіёнкі краіны абыгралі гродзенскую "Алімпію" з вынікам 63:52. Другі матч серыі за чэмпіёнскі тытул да трох перамог адбудзецца 23 красавіка. У мінулым годзе гэтыя сапернікі таксама сустракаліся ў залатой серыі, і тады "Гарызонт" абыграў "Алімпію" з сухім лікам 3:0. Усе сустрэчы за залатыя медалі праходзяць на пляцоўцы сталічнага РДВАР (вул.Філімонава, 51), уваход на трыбуны свабодны. У актыве "Гарызонта" 13 чэмпіёнскіх тытулаў, "Алімпія" 7 разоў падымалася на вышэйшую прыступку п'едэстала гонару.
Барацьбу за бронзавыя ўзнагароды сёння пачнуць няўдачнікі паўфінальных гульняў - баскетбалісткі "Мінска" і "Гомельскіх рысяў". Гаспадынямі двух стартавых паядынкаў (21 і 23 красавіка) будуць мінчанкі, а 28 красавіка сапернікі сустрэнуцца ў Гомелі. Год таму мінчанкі занялі трэцяе месца, тройчы абыграўшы гродзенскую "Вікторыю".
На наступным тыдні на мужчынскім чэмпіянаце краіны пачнуцца паўфінальныя серыі. Дзеючы чэмпіён Беларусі БК "Мінск" згуляе з віцебскім "Рубонам", а сярэбраны прызёр магілёўскі "Барысфен" сустрэнецца з баскетбалістамі "Гродна-93".-0-
