ДЗЯРЖОРГАНЫДЗЯРЖОРГАНЫ
Флаг Пятніца, 2 снежня 2022
Мінск Суцэльная воблачнасць -8°C
Усе навіны
Усе навіны
Спорт
19 красавіка 2022, 12:01

Баскетбалісткі "Гарызонта" другі раз запар сталі чэмпіёнкамі Беларусі

19 красавіка, Мінск /Кар. БЕЛТА/. Баскетбалісткі "Гарызонта" другі раз запар сталі чэмпіёнкамі Беларусі, паведамляе карэспандэнт БЕЛТА.

18 красавіка ў трэцім паядынку серыі за залатыя медалі 30-га нацыянальнага першынства падапечныя Наталлі Трафімавай выйгралі ў гродзенскай "Алімпіі" з лікам 68:52 (18:16, 22:8, 8:9, 20:19). У двух стартавых матчах фінальнай серыі на пляцоўцы сталічнага РДВАР яны таксама былі мацнейшыя - 68:61 і 82:48. Гэта другі запар і 13-ы ў гісторыі чэмпіёнскі тытул баскетбалістак "Гарызонта". У бягучым сезоне чэмпіёнкі не пацярпелі ніводнага паражэння.

Уладальніцамі бронзавых медалёў гэтага першынства сталі баскетбалісткі "Цмокі-Мінск", якія ў серыі за 3-е месца тройчы абыгралі саперніц з гродзенскай "Вікторыі" 70:61, 85:60 і 73:38.

Лепшым іграком завершанага першынства прызнана лідар чэмпіёнак Настассяя Верамеенка.

Год таму "Гарызонт" у фінале выйграў у "Цмокі-Мінск". У серыі за бронзавыя ўзнагароды "Алімпія" перамагла "БДУ-Цмокі". Акрамя "Гарызонта" золата нацыянальнага першынства заваёўвала "Алімпія", якая з'яўляецца васьміразовым чэмпіёнам, мінскія "Цмокі" шэсць разоў паднімаліся на вышэйшую прыступку п'едэстала гонару. Тройчы золата брала барысаўская "Бярэзіна".

Удзельнікі мужчынскага чэмпіянату сёння вызначаць апошняга ўдзельніка паўфінальнай стадыі. У вырашальным чвэрцьфінальным паядынку баскетбалісты "Гродна-93" прымуць на сваёй пляцоўцы сталічны "Імпульс-БДУІР". У першай сустрэчы гродзенскі клуб выйграў у сябе дома з лікам 88:86, а ў Мінску сапернікі ўзялі рэванш - 82:69. Пераможца гэтага чвэрцьфіналу сустрэнецца з лідарам рэгулярнага сезона магілёўскім "Барысфенам", які ў 1/4 фіналу двойчы абыграў "Гомельскіх рысей" - 113:93 і 106:44.

Першым у паўфінал выйшаў дзеючы чэмпіён краіны "Цмокі-Мінск", які перамог у чвэрцьфінале баскетбалістаў сваёй маладзёжнай каманды - 91:38 і 95:53. Наступным сапернікам падапечных Расціслава Вергуна будзе віцебскі "Рубон", ён абыграў рэзервістаў сталічных "драконаў" - 93:89 і 81:74.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі