12 красавіка, Мінск /Кар. БЕЛТА/. Баскетбалісткі "Гарызонта" другі раз абыгралі "Цмокі-Мінск" у фінальнай серыі жаночага чэмпіянату Беларусі, паведамляе карэспандэнт БЕЛТА.
У другім паядынку за чэмпіёнскі тытул пераможцы рэгулярнага сезона выйгралі з перавагай на чатыры ачкі - 67:63 (16:18, 22:16, 8:12, 21:17). Напярэдадні баскетбалісткі "Гарызонта" перамаглі з вынікам 71:66. Да выйгрышу залатых медалёў камандзе Наталлі Трафімавай засталося здабыць адну вікторыю.
У другім матчы "бронзавай" серыі баскетбалісткі гродзенскай "Алімпіі" зноў разграмілі на сваёй пляцоўцы сталічны клуб "БДУ-Цмокi" - 104:50. "Алімпія" выйграла з вынікам 85:47.
Трэція паядынкі медальных серый да трох перамог пройдуць 17 красавіка ў Мінску.-0-