ДЗЯРЖОРГАНЫДЗЯРЖОРГАНЫ
Флаг Панядзелак, 15 жніўня 2022
Мінск Суцэльная воблачнасць +26°C
Усе навіны
Усе навіны
Спорт
12 красавіка 2022, 10:35

"Барысфен" стаў другім паўфіналістам мужчынскага чэмпіянату Беларусі па баскетболе

Фота БК "Барысфен"
Фота БК "Барысфен"

12 красавіка, Мінск /Кар. БЕЛТА/. Магілёўскі "Барысфен" стаў другім удзельнікам паўфінальнай стадыі мужчынскага чэмпіянату Беларусі ў баскетболе, паведамляе карэспандэнт БЕЛТА.

Лідар рэгулярнага сезона на пляцоўцы магілёўскага спарткомплексу "Алімпіец" разграміў гасцей з клуба "Гомельскія рысі" - 106:44. У іх першым паядынку чвэрцьфінальнай серыі ў Гомелі падапечныя Андрэя Крываноса таксама былі мацнейшыя - 113:93. У паўфінале сапернікам магіляўчан будзе пераможца матчаў паміж "Гроднам-93" і сталічным клубам "Імпульс-БДУІР". У першай сустрэчы гродзенскія баскетбалісты выйгралі ў сябе дома з перавагай у два ачкі - 86:84. Другі матч пройдзе 16 красавіка ў Мінску.

Першым у паўфінал выйшаў дзеючы чэмпіён краіны "Цмокі-Мінск", які ў чвэрцьфінале двойчы ўпэўнена абыграў баскетбалістаў сваёй маладзёжнай каманды - 91:38 і 95:53. Наступным сапернікам падапечных Расціслава Вергуна будзе пераможца сустрэч паміж віцебскім "Рубонам" і рэзервістамі "Цмокі-Мінск". У першым матчы віцябчане выйгралі на сваёй пляцоўцы з лікам 93:89. У бліжэйшую суботу сапернікі сустрэнуцца на пляцоўцы "драконаў".

Удзельніцы жаночага першынства пачалі ўжо медальныя серыі. У першым паядынку галоўнага фіналу дзеючыя чэмпіёнкі краіны баскетбалісткі "Гарызонта" адолелі ў Мінску гродзенскую "Алімпію" з лікам 68:61. Заўтра сапернікі зноў сустрэнуцца на пляцоўцы сталічнага РДУАР, а трэці паядынак адбудзецца 18 красавіка. У серыі за бронзавыя ўзнагароды баскетбалісткі "Цмокі-Мінск" двойчы перамаглі ў сябе дома гродзенскую "Вікторыю" - 70:61 і 85:60. Іх наступная сустрэча пройдзе 15 красавіка ў Гродне. Абедзве медальныя серыі прадоўжацца да трох перамог адной з каманд.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі