17 снежня, Мінск /Кар. БЕЛТА/. Барысаўскі БАТЭ ў 1/16 фіналу футбольнай Лігі Еўропы сустрэнецца з лонданскім "Арсеналам". Гэта рэзультат жараб'ёўкі, якая адбылася сёння ў штаб-кватэры УЕФА ў швейцарскім Ньёне, паведамляе карэспандэнт БЕЛТА.
Першую гульню за выхад у 1/8 фіналу падапечныя Аляксея Багі правядуць 14 лютага на сваім полі, у адказ - 20 лютага ў брытанскай сталіцы.
Склады астатніх пар 1/16 фіналу Лігі Еўропы:
"Вікторыя" (Пльзень, Чэхія) - "Дынама" (Заграб, Харватыя),
"Бруге" (Бельгія) - "Зальцбург" (Аўстрыя),
"Рапід" (Вена, Аўстрыя) - "Інтэр" (Мілан, Італія),
"Славія" (Прага, Чэхія) - "Генк" (Бельгія),
"Краснадар" (Расія) - "Баер" (Леверкузен, Германія),
"Цюрых" (Швейцарыя) - "Напалі" (Італія),
"Мальме" (Швецыя) - "Чэлсі" (Лондан, Англія),
"Шахцёр" (Данецк, Украіна) - "Айнтрахт" (Франкфурт, Германія),
"Селтык" (Глазга, Шатландыя) - "Валенсія" (Іспанія),
"Рэн" (Францыя) - "Бетыс" (Севілья, Іспанія),
"Алімпіякас" (Пірэй, Грэцыя) - "Дынама" (Кіеў, Украіна),
"Лацыа" (Рым, Італія) - "Севілья" (Іспанія),
"Фенербахчэ" (Стамбул, Турцыя) - "Зеніт" (Санкт-Пецярбург, Расія),
"Спортынг" (Лісабон, Партугалія) - "Вільярэал" (Іспанія),
"Галатасарай" (Стамбул, Турцыя) - "Бенфіка" (Лісабон, Партугалія).
Першыя матчы 1/16 фіналу пройдуць 12 і 14 лютага, у адказ - 20 і 21 лютага 2019 года.
Сустрэчы 1/8 фіналу пройдуць 7 і 14 сакавіка, чвэрцьфіналы - 11 і 18 красавіка, паўфіналы - 2 і 9 мая, вырашальны паядынак Лігі Еўропы адбудзецца 29 мая на "Алімпійскім" стадыёне ў Баку.-0-
