Сцяг Пятніца, 29 сакавіка 2024
Усе навіны
Усе навіны
Спорт
05 лістапада 2021, 20:00

Баксёр Пак Сі Хун хоча аддаць залаты медаль Алімпіяды-1988 Рою Джонсу

5 лістапада, Мінск /Кар. БЕЛТА/. Паўднёвакарэйскі баксёр Пак Сі Хун хоча перадаць залаты медаль Алімпійскіх гульняў 1988 года амерыканцу Рою Джонсу-малодшаму. Аб гэтым знакаміты атлет з ЗША заявіў журналістам, паведамляе ТАСС.

Рой Джонс-малодшы прайграў Пак Сі Хуну ў фінале гульняў у Сеуле. Пазней неаднаразова сцвярджалася, што суддзі незаслужана аддалі перамогу паўднёвакарэйскаму спартсмену. Сам Пак Сі Хун таксама адзначаў, што яго сапернік больш заслужыў перамогу.

"Гэты чалавек сам прыняў рашэнне і хоча, каб перамагла справядлівасць. Гасподзь усё робіць, як наканавана. Справядлівасць пераможа", - сказаў Рой Джонс.

"Мы адзін раз з ім размаўлялі па тэлефоне. Я спытаў, ці лічыць ён, што заслужыў перамогу. Ён сказаў, што не", - дадаў легендарны амерыканскі баксёр.

Адзначаецца, што пры гэтым вынік фіналу Алімпійскіх гульняў не будзе перагледжаны. Такое рашэнне можа прыняць толькі Міжнародны алімпійскі камітэт.

Раней паведамлялася, што былы абсалютны чэмпіён свету ў паўцяжкай вагавой катэгорыі стаў тварам AIBA.-0-

Падпісвайцеся на нас у
Twitter
Топ-навіны
Свежыя навіны Беларусі