ДЗЯРЖОРГАНЫДЗЯРЖОРГАНЫ
Флаг Пятніца, 17 верасня 2021
Мінск Пераменная воблачнасць +8°C
Усе навіны
Усе навіны
Спорт
07 ліпеня 2021, 09:41

Арына Сабаленка выйшла ў паўфінал Уімблдонскага турніру

Арына Сабаленка. Фота vk.com/aryna_sabalenka
Арына Сабаленка. Фота vk.com/aryna_sabalenka

7 ліпеня, Мінск /Кар. БЕЛТА/. Беларуская тэнісістка Арына Сабаленка ўпершыню выйшла ў паўфінал турніраў серыі "Вялікага шлема", паведамляе карэспандэнт БЕЛТА.

У чвэрцьфінале Уімблдона чацвёртая ракетка свету сустракалася з туніскай тэнісісткай Унс Джабір, якая займае 24-е месца ў рэйтынгу WTA, і перамагла - 6:4, 6:3. Паядынак прадаўжаўся 1 гадзіну 15 мінут. Спачатку тэнісісткі стабільна выйгравалі ачкі на сваіх падачах, і толькі ў зацяжным 10-м гейме Сабаленка здолела выйграць падачу саперніцы, а з ёй і ўсю першую партыю. У другім сэце на працягу шасці геймаў ішла роўная барацьба, а потым беларуска выйграла тры ачкі запар.

У матчы за выхад у фінал Арына Сабаленка сустрэнецца з чэшкай Каралінай Плішкавай (13-ы нумар сусветнага рэйтынгу).

Да гэтага поспеху Арына Сабаленка па чарзе перамагла румынку Моніку Нікулеску (191) - 6:1, 6:4, брытанку Кэці Бултэр (219) - 4:6, 6:3, 6:3, калумбійку Марыю Камілу Асорыа Серана (94) - 6:0, 6:3 і казахстанскую тэнісістку Алену Рыбакіну (20) - 6:3, 4:6, 6:3.

У 1/8 фіналу спаборніцтваў змешаных пар беларус Андрэй Васілеўскі і прадстаўніца Аўстраліі Арына Радзівонава гуляюць з амерыкана-французскім тандэмам Ніколь Мелічар / Эдуар Ражэ-Васлен.

134-ы па ліку Уімблдонскі турнір завершыцца 11 ліпеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі