ДЗЯРЖОРГАНЫДЗЯРЖОРГАНЫ
Флаг Нядзеля, 2 кастрычніка 2022
Мінск +8°C
Усе навіны
Усе навіны
Спорт
10 чэрвеня 2022, 19:42

Арына Сабаленка выйшла ў паўфінал тэніснага турніру ў Нідэрландах

Арына Сабаленка. Фота з архіва
Арына Сабаленка. Фота з архіва

10 чэрвеня, Мінск /Кар. БЕЛТА/. Беларуская тэнісістка Арына Сабаленка прабілася ў паўфінал турніру катэгорыі WTA-250 у нідэрландскім Хертагенбасе з прызавым фондам $251 тыс., паведамляе карэспандэнт БЕЛТА.

Сёння ў чвэрцьфінале шостая ракетка планеты перамагла бельгійку Элісан ван Эйтванк (46-ы нумар сусветнага рэйтынгу) - 6:3, 3:6, 7:6 (7:5). Сустрэча доўжылася 2 гадзіны 5 мінут. У паядынку за выхад у фінал саперніцай Сабаленка будзе пераможца сустрэчы паміж амерыканкай Шэлбі Роджэрс (42) і бельгійкай Кірстэн Фліпкенс (308).

У першым раўндзе Арына Сабаленка перамагла ў двух сэтах украінскую тэнісістку Кацярыну Байндль (142) - 6:4, 6:1, а ў матчы 1/8 фіналу перамагла нідэрландскую тэнісістку Арыяну Хартона (172) - 6:2, 6:3.

Сёння ўвечары ў чвэрцьфінале мужчынскіх спаборніцтваў беларус Ілья Івашка (40) будзе сапернічаць з другой ракеткай свету расіянінам Даніілам Мядзведзевым. На старце турніру Ілья Івашка перамог у трохсэтавым паядынку амерыканскага тэнісіста Маккензі Макдональда (51) - 6:3, 6:7 (8:10), 6:1, а ў другім крузе выйграў у фіна Эміла Руўсувуоры (62) - 6:4 , 6:2.

Спаборніцтвы на адкрытых травяных кортах Хертагенбаса завершацца 12 чэрвеня.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі