21 верасня, Мінск /Кар. БЕЛТА/. Беларуская тэнісістка Арына Сабаленка (12-ы нумар сусветнага рэйтынгу) паспяхова стартавала на турніры ў французскім Страсбургу з прызавым фондам $202 тыс., паведамляе карэспандэнт БЕЛТА.
Сёння ў паядынку 1/16 фіналу адзіночнага разраду беларуска абыграла аўстралійскую тэнісістку Элен Перэс, якая займае 239-е месца ў рэйтынгу WTA, - 6:4, 6:3. Сустрэча прадаўжалася 1 гадзіну 10 мінут.
У 1/8 фіналу Арына Сабаленка сустрэнецца з пераможцай матчу паміж расіянкай Ганнай Блінковай (65) і францужанкай Мірціль Жаржэс (293).
Спаборніцтвы ў Страсбургу завершацца 26 верасня, а 27 верасня ў Парыжы на кортах "Ралан Гарос" стартуе трэці ў гэтым сезоне турнір серыі "Вялікага шлема" - адкрыты чэмпіянат Францыі.-0-
