30 красавіка, Мінск /Кар. БЕЛТА/. Беларуская тэнісістка Арына Сабаленка паспяхова стартавала на турніры катэгорыі WTA-1000 у Мадрыдзе з прызавым фондам 2,5 млн еўра, паведамляе карэспандэнт БЕЛТА.
Сёння ў першым раўндзе беларуска, якая займае сёмае месца ў сусветным рэйтынгу, упэўнена абыграла расійскую тэнісістку Веру Званарову, у якой 114-я пазіцыя, - 6:1, 6:2. Сустрэча прадаўжалася 1 гадзіну 5 мінут.
У 1/8 фіналу Арына Сабаленка сустрэнецца з пераможцай матчу паміж яшчэ адной расіянкай Дар'яй Касаткінай (37-ы нумар сусветнага рэйтынгу) і румынкай Ірынай Бегу (75-ы нумар сусветнага рэйтынгу).
Экс-першая ракетка планеты Вікторыя Азаранка (15) сёння згуляе з расійскай тэнісісткай Кацярынай Аляксандравай (32).
Яшчэ адна беларуска Аляксандра Сасновіч (92) не змагла прабіцца ў асноўную сетку гэтых спаборніцтваў, уступіўшы ў другім кваліфікацыйным раўндзе нямецкай тэнісістцы Лауры Зігемунд (59) - 6:4, 1:6, 0:6.
Турнір на адкрытых грунтавых кортах іспанскай сталіцы завершыцца 8 мая.-0-
