25 лютага, Мінск /Кар. БЕЛТА/. Беларуская тэнісістка Арына Сабаленка (13-ы нумар сусветнага рэйтынгу) паспяхова стартавала ў адзіночным разрадзе турніру катэгорыі "Прэм'ер" у катарскай Досе з прызавым фондам $2,9 млн, паведамляе карэспандэнт БЕЛТА.
Сёння ў 1/16 фіналу Арына Сабаленка сустракалася з эстонкай Анэт Контавейт (22) і перамагла ў трохсэтавым паядынку - 7:5, 2:6, 7:5. Гульня доўжылася 2 гадзіны 12 мінут.
У матчы за выхад у чвэрцьфінал беларуска, пасеяная пад другім нумарам, згуляе з пераможцам паядынку паміж грэчаскай тэнісісткай Марыяй Сакары (20) і чэшкай Тэрэзай Марцінцовай (157).
У першым крузе парнага разраду Арына Сабаленка і бельгійка Элізэ Мертэнс сёння ўвечары сустрэнуцца з амерыкана-бельгійскім тандэмам Бетані Матэк-Сандс / Кірстэн Фліпкенс.
У 1/8 фіналу парнага разраду мужчынскага турніру серыі "Чэленджэр" у французскім По з прызавым фондам 92 тыс. еўра беларуска-ізраільскі дуэт Андрэй Васілеўскі / Ёнатан Эрліх згуляе з расійска-славацкім тандэмам Тэймураз Габашвілі / Лукаш Лацка.-0-