17 чэрвеня, Мінск /Кар. БЕЛТА/. Дзясятая ракетка свету беларуска Арына Сабаленка прайграла ў стартавым матчы на турніры ў брытанскім Бірмінгеме, паведамляе карэспандэнт БЕЛТА.
Сёння Арына Сабаленка сустракалася з прадстаўніцай кітайскага Тайбэя Се Шувэй, якая займае 28-е месца ў сусветным рэйтынгу, і ўступіла - 3:6, 6:2, 6:7 (1:7). Паядынак прадаўжаўся амаль 2 гадзіны. Наступнай саперніцай Се Шувэй будзе пераможца матчу паміж чэшкай Барбарай Стрыцавай (51-ы нумар рэйтынгу WTA) і брытанкай Хізер Уотсан (122). Яшчэ адна беларуская тэнісістка Аляксандра Сасновіч (36) заўтра ў 1/16 фіналу згуляе з амерыканкай Вінус Уільямс (55).
Таксама 18 чэрвеня дзве беларускі стартуюць на турніры Mallorca Open у Іспаніі. Вікторыя Азаранка (41) у першым раўндзе адзіночнага разраду сустрэнецца з французскай тэнісісткай Каралін Гарсіяй (23). У парным разрадзе Лідзія Марозава і аўстралійка Сторм Сандэрс будуць сапернічаць з аўстралійска-грузінскім тандэмам Монік Адамчак /Аксана Калашнікава.
Абодва турніры завершацца ў нядзелю, 23 чэрвеня.-0-
