22 студзеня, Мінск /Кар. БЕЛТА/. Беларуская тэнісістка Арына Сабаленка няўдала пачала выступленне на адкрытым чэмпіянаце Аўстраліі па тэнісе ў Мельбурне, паведамляе карэспандэнт БЕЛТА.
Беларуска, якая займае 12-е месца ў сусветным рэйтынгу, у першым раўндзе адзіночнага разраду прайграла на двух тай-брэйках іспанцы Карле Суарэс Навара, у якой 54-я пазіцыя - 6:7 (6:8), 6:7 (6:8). У першым сэце Арына Сабаленка вяла з лікам 5:3, але не змагла заваяваць пераможны бал. Сустрэча прадаўжалася 2 гадзіны 13 хвілін.
Раней яшчэ адна беларуска Аляксандра Сасновіч (94) у паядынку 1/64 фіналу ўступіла бельгійцы Грэцье Мінен (119) - 6:7 (3:7), 6:4, 5:7.
Цяпер абедзве беларускія тэнісісткі выступяць у парным разрадзе Australian Open. Арына Сабаленка і бельгійка Элізэ Мертэнс згуляюць з амерыканска-чэшскім тандэмам. Аляксандра Сасновіч і славачка Вікторыя Кужмава будуць сапернічаць з аўстралійскай парай.
У мужчынскім адзіночным разрадзе беларус Ягор Герасімаў (98) прабіўся ў другі раўнд, дзе згуляе з сёмай ракеткай планеты Аляксандрам Зверавым з Германіі.-0-