ДЗЯРЖОРГАНЫДЗЯРЖОРГАНЫ
Флаг Серада, 8 снежня 2021
Мінск Суцэльная воблачнасць -12°C
Усе навіны
Усе навіны
Спорт
22 кастрычніка 2021, 15:41

Арына Сабаленка не выйшла ў паўфінал тэніснага турніру ў Маскве

Арына Сабаленка. Фота tennis.by
Арына Сабаленка. Фота tennis.by

22 кастрычніка, Мінск /Кар. БЕЛТА/. Арына Сабаленка не змагла выйсці ў паўфінал турніру "ВТБ Кубак Крамля" ў Маскве, паведамляе карэспандэнт БЕЛТА.

Сёння ў чвэрцьфінале адзіночнага разраду другая ракетка планеты ўступіла ў двух сэтах расіянцы Кацярыне Аляксандравай, якая займае 37-е месца ў сусветным рэйтынгу - 3:6, 4:6. Сустрэча прадаўжалася 1 гадзіну 13 мінут. У матчы за выхад у фінал Кацярына Аляксандрава будзе сапернічаць з пераможцай гульні паміж іспанкай Гарбінье Мугурусай (5-ы нумар рэйтынгу WTA) і эстонкай Анет Кантавейт (20).

У 1/8 фіналу Арына Сабаленка перамагла ў трохсэтавым паядынку аўстралійку Айлу Тамлянавіч (43) - 7:6 (7:2), 4:6, 6:1.

У стартавым матчы парнага разраду беларускія тэнісісткі Вера Лапко і Лідзія Марозава прайгралі латвійска-чэшскаму дуэту Алена Астапенка / Кацярына Сінякова - 3:6, 2:6.

Сёння ў паўфінале мужчынскага парнага разраду сапернікамі беларуса Ільі Івашкі і іспанскага тэнісіста Педра Марцінеса будуць серб Нікала Качыч і Таміслаў Бркіч з Босніі і Герцагавіны.

У гэтым годзе агульны прызавы фонд спаборніцтваў у расійскай сталіцы складае $1,345 млн, турнір завершыцца 24 кастрычніка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі