27 лютага, Мінск /Кар. БЕЛТА/. Беларуская тэнісістка Арына Сабаленка атрымала другую перамогу на турніры катэгорыі "Прэм'ер" у катарскай Досе з прызавым фондам $2,9 млн, паведамляе карэспандэнт БЕЛТА.
У 1/8 фіналу Арына Сабаленка ўсяго за 55 мінут упэўнена перайграла грэчаскую тэнісістку Марыю Сакары - 6:3, 6:0. Тыдзень таму на турніры ў Дубаі беларуска таксама абыграла грачанку (6:2, 4:6, 6:1).
У сваім першым матчы ў Досе Арына Сабаленка перамагла эстонку Анет Кантавейт (7:5, 2:6, 7:5), а ў чвэрцьфінале сустрэнецца з пераможцай матчу паміж нідэрландскай тэнісісткай Кікі Бертэнс і кітаянкай Чжэн Сайсай.
У першым крузе парнага разраду Арына Сабаленка і бельгійка Элізэ Мертэнс выйгралі ў амерыкана-бельгійскага тандэма Бетані Матэк-Сандс / Кірстэн Фліпкенс (6:7, 6:2, 10:7). У матчы 1/4 фіналу беларуска-бельгійскі дуэт згуляе з канадска-латвійскай парай Габрыэла Даброўскі / Алена Астапенка.
У 1/8 фіналу парнага разраду мужчынскага турніру серыі "Чэленджэр" у французскім По з прызавым фондам 92 тыс. еўра беларуска-ізраільскі дуэт Андрэй Васілеўскі / Ёнатан Эрліх учора сустракаўся з расійска-славацкім тандэмам Тэймураз Габашвілі / Лукаш Лацко.-0-
