Фота з архіва
5 лістапада, Мінск /Кар. БЕЛТА/. Лонданскі "Арсенал" і мюнхенская "Баварыя" выйгралі чацвёртыя паядынкі на старце Лігі чэмпіёнаў, паведамляе карэспандэнт БЕЛТА.
Лідар англійскай прэм'ер-лігі сваю чарговую перамогу атрымаў у чэшскай сталіцы, разграміўшы пражскую "Славію" - 3:0. У першым тайме капітан "Арсенала" з пенальці адкрыў лік, а пасля перапынку галявы дубль аформіў Мікель Мерына. У чатырох сустрэчах лонданцы 11 разоў трапілі ў вароты сапернікаў, не прапусціўшы ніводнага мяча.
Чэмпіёны Германіі абыгралі ў сталіцы Францыі футбалістаў "Пары Сен-Жэрмен" з рэзультатам 2:1. Да перапынку гаспадары больш валодалі мячом, але прапусцілі два галы пасля дакладных удараў Луіса Дыяса, які ў самым канцы першага тайма быў выдалены з поля. У другой палове сустрэчы парыжане змаглі толькі аднойчы скарыстацца колькаснай перавагай - на 74-й хвіліне сустрэчы Жаау Невеш скараціў адставанне, але ў выніку "Баварыя" здолела ўтрымаць перамогу. Для французскага чэмпіёна гэта першае паражэнне пасля трох стартавых выйгрышаў.
Таксама ўпершыню прайграў мадрыдскі "Рэал", уступіўшы на выездзе англійскаму "Ліверпулю" з лікам 0:1. Гаспадары здолелі рэалізаваць сваю гульнявую перавагу ў пачатку другога тайма, калі верхавую перадачу замкнуў Алексіс Макалістэр.
Сёння адбудуцца яшчэ дзевяць матчаў чацвёртага тура. У Мілане футбалісты "Інтэра", якія атрымалі тры вікторыі запар, прымуць "Кайрат" з Алматы, за які выступаюць беларусы Аляксандр Мартыновіч і Валерый Грамыка. У трох папярэдніх сустрэчах чэмпіёны Казахстана змаглі атрымаць толькі адно ачко, згуляўшы ўнічыю ў сябе дома з яшчэ адным дэбютантам ЛЧ кіпрскім "Пафасам" (0:0).
Спіс лепшых бамбардзіраў узначальваюць Хары Кейн ("Баварыя") і Кіліян Мбапэ ("Рэал"), у актыве якіх па пяць мячоў.-0-
Лідар англійскай прэм'ер-лігі сваю чарговую перамогу атрымаў у чэшскай сталіцы, разграміўшы пражскую "Славію" - 3:0. У першым тайме капітан "Арсенала" з пенальці адкрыў лік, а пасля перапынку галявы дубль аформіў Мікель Мерына. У чатырох сустрэчах лонданцы 11 разоў трапілі ў вароты сапернікаў, не прапусціўшы ніводнага мяча.
Чэмпіёны Германіі абыгралі ў сталіцы Францыі футбалістаў "Пары Сен-Жэрмен" з рэзультатам 2:1. Да перапынку гаспадары больш валодалі мячом, але прапусцілі два галы пасля дакладных удараў Луіса Дыяса, які ў самым канцы першага тайма быў выдалены з поля. У другой палове сустрэчы парыжане змаглі толькі аднойчы скарыстацца колькаснай перавагай - на 74-й хвіліне сустрэчы Жаау Невеш скараціў адставанне, але ў выніку "Баварыя" здолела ўтрымаць перамогу. Для французскага чэмпіёна гэта першае паражэнне пасля трох стартавых выйгрышаў.
Таксама ўпершыню прайграў мадрыдскі "Рэал", уступіўшы на выездзе англійскаму "Ліверпулю" з лікам 0:1. Гаспадары здолелі рэалізаваць сваю гульнявую перавагу ў пачатку другога тайма, калі верхавую перадачу замкнуў Алексіс Макалістэр.
Сёння адбудуцца яшчэ дзевяць матчаў чацвёртага тура. У Мілане футбалісты "Інтэра", якія атрымалі тры вікторыі запар, прымуць "Кайрат" з Алматы, за які выступаюць беларусы Аляксандр Мартыновіч і Валерый Грамыка. У трох папярэдніх сустрэчах чэмпіёны Казахстана змаглі атрымаць толькі адно ачко, згуляўшы ўнічыю ў сябе дома з яшчэ адным дэбютантам ЛЧ кіпрскім "Пафасам" (0:0).
Спіс лепшых бамбардзіраў узначальваюць Хары Кейн ("Баварыя") і Кіліян Мбапэ ("Рэал"), у актыве якіх па пяць мячоў.-0-
Падпісвайцеся на нас у
