Фота Global Look Press
22 мая, Мінск /Кар. БЕЛТА/. Англійскі "Тотэнхэм Хотспур" стаў пераможцам футбольнай Лігі Еўропы, паведамляе карэспандэнт БЕЛТА.
У іспанскім Більбаа ў фінале другога па рангу турніру Старога Свету лонданскі клуб перамог яшчэ аднаго прадстаўніка англійскай прэм'ер-лігі "Манчэстэр Юнайтэд"- 1:0. Сапернікі пачалі гульню сумбурна, доўга не маглі стварыць рэальныя пагрозы каля варот і толькі ў канцы першай палавіны сустрэчы гледачы ўбачылі гол. На 42-й мінуце "шпоры" правялі атаку левым флангам і пасля перадачы ў варатарскую пляцоўку Брэнан Джонсан змог праштурхнуць мяч у сетку. Пасля перапынку "чырвоныя д'яблы" захапілі ініцыятыву, правялі шмат атак, нанеслі 11 удараў па варотах, але так і не змаглі адыграцца. Разам з трафеем Лігі Еўропы "Тотэнхэм" зарабіў пропуск у асноўны этап наступнага сезона галоўнага кантынентальнага турніру - Лігі чэмпіёнаў. Цяпер у актыве "Тотэнхэма" чатыры перамогі ў еўракубкавых турнірах. Абодва фіналісты ЛЕ вельмі няўдачна правялі чэмпіянат Англіі: перад заключным турам "Манчэстэр Юнайтэд" займае 16-е месца, набраўшы 39 ачкоў у 37 матчах, а ў "Тотэнхэма" на адзін бал менш і 17-я пазіцыя ў турнірнай табліцы.
Праз тыдзень, 28 мая, у фінальным матчы Лігі канферэнцый у польскім Вроцлаве згуляюць "Чэлсі" і іспанскі "Бетыс" з Севільі. У вырашальным паядынку Лігі чэмпіёнаў - 31 мая ў нямецкім Мюнхене - сустрэнуцца французскі "Пары Сен-Жэрмен" і італьянскі "Інтэр" з Мілана.-0-
У іспанскім Більбаа ў фінале другога па рангу турніру Старога Свету лонданскі клуб перамог яшчэ аднаго прадстаўніка англійскай прэм'ер-лігі "Манчэстэр Юнайтэд"- 1:0. Сапернікі пачалі гульню сумбурна, доўга не маглі стварыць рэальныя пагрозы каля варот і толькі ў канцы першай палавіны сустрэчы гледачы ўбачылі гол. На 42-й мінуце "шпоры" правялі атаку левым флангам і пасля перадачы ў варатарскую пляцоўку Брэнан Джонсан змог праштурхнуць мяч у сетку. Пасля перапынку "чырвоныя д'яблы" захапілі ініцыятыву, правялі шмат атак, нанеслі 11 удараў па варотах, але так і не змаглі адыграцца. Разам з трафеем Лігі Еўропы "Тотэнхэм" зарабіў пропуск у асноўны этап наступнага сезона галоўнага кантынентальнага турніру - Лігі чэмпіёнаў. Цяпер у актыве "Тотэнхэма" чатыры перамогі ў еўракубкавых турнірах. Абодва фіналісты ЛЕ вельмі няўдачна правялі чэмпіянат Англіі: перад заключным турам "Манчэстэр Юнайтэд" займае 16-е месца, набраўшы 39 ачкоў у 37 матчах, а ў "Тотэнхэма" на адзін бал менш і 17-я пазіцыя ў турнірнай табліцы.
Праз тыдзень, 28 мая, у фінальным матчы Лігі канферэнцый у польскім Вроцлаве згуляюць "Чэлсі" і іспанскі "Бетыс" з Севільі. У вырашальным паядынку Лігі чэмпіёнаў - 31 мая ў нямецкім Мюнхене - сустрэнуцца французскі "Пары Сен-Жэрмен" і італьянскі "Інтэр" з Мілана.-0-
Падпісвайцеся на нас у
