28 чэрвеня, Мінск /Кар. БЕЛТА/. Амерыканская лёгкаатлетка Сідні Маклафлін устанавіла новы сусветны рэкорд у бегу на 400 м з бар'ерамі, паведамляе ТАСС.
На адборачных спаборніцтвах у зборную ЗША на Алімпійскія гульні ў Токіа спартсменка паказала рэзультат 51,90 сек. Ранейшае дасягненне ў бегу на 400 м з бар'ерамі ўстанавіла амерыканка Далайла Мухамад на чэмпіянаце свету ў Досе 4 кастрычніка 2019 года (52,16 сек.). Сідні Маклафлін тады заняла другое месца.
Акрамя серабра чэмпіянату свету-2019 у актыве 21-гадовай лёгкаатлеткі золата турніру ў эстафеце 4x400 м.-0-
