Фота Getty Images
6 лютага, Мінск /Кар. БЕЛТА/. Сёння вечарам у Італіі адбудзецца цырымонія адкрыцця XXV зімовых Алімпійскіх гульняў, паведамляе карэспандэнт БЕЛТА.
Галоўны старт чатырохгоддзя пройдзе ў Паўночнай Італіі. Цэнтрамі зімовых Гульняў упершыню ў гісторыі з'яўляюцца адразу два гарады - Мілан і Карціна-д’Ампеца, таксама алімпійскія старты прымуць Ро, Асага, Лівінья, Борміа, Прэдаца, Тэзера і Антхольц. Цырымонія адкрыцця разгорнецца на міланскім стадыёне "Сан-Сіра" і пачнецца ў 22.00 па мінскім часе, урачыстае закрыццё Гульняў адбудзецца ў антычным амфітэатры Вероны 22 лютага.
Удзел у зімовай Алімпіядзе-2026 прымуць 2900 спартсменаў з 94 краін, беларусы і расіяне выступяць у нейтральным статусе. За 16 дзён спаборніцтваў атлеты разыграюць 116 камплектаў узнагарод у 16 відах спорту (біятлоне, бабслеі, лыжных гонках, кёрлінгу, гарналыжным спорце, фігурным катанні, фрыстайле, хакеі, санным спорце, лыжным дваябор'і, шорт-трэку, скелетоне, скачках на лыжах з трампліна, скі-альпінізме, снаўбордынгу і канькабежным спорце).
У склад нашай дэлегацыі ўвайшлі сем спартсменак. Лыжніца Ганна Каралёва заяўлена ў трох відах праграмы 7, 10 і 12 лютага, канькабежка Марына Зуева прабяжыць дзве дыстанцыі 7 і 12 лютага, фігурыстка Вікторыя Сафонава выступіць 17 і 19 лютага, слаламістку Марыю Шканаву чакае старт 18 лютага, а лыжныя акрабаты Ганна Гуськова, Ганна Дзяруга і Настасся Андрыянава выйдуць на схіл 17 лютага (і на наступны дзень у выпадку праходжання ў фінал).
Зімовыя Гульні ў Італіі стануць для Беларусі дзясятымі з моманту набыцця незалежнасці. За дзевяць папярэдніх "белых" Алімпіяд нашымі спартсменамі заваявана 20 узнагарод (8 залатых, 7 сярэбраных, 5 бронзавых). Трохразовай алімпійскай чэмпіёнкай Сочы-2014 стала біятланістка Дар'я Домрачава, якая праз чатыры гады разам з сяброўкамі па камандзе Надзеяй Скардзіна, Ірынай Крыўко і Дзінарай Смольскай атрымала перамогу ў эстафеце.
Таксама медалі вышэйшай пробы на зімовых Гульнях бралі фрыстайлісты Аляксей Грышын (2010), Антон Кушнір (2014), Ала Цупер (2014) і Ганна Гуськова (2018). На папярэдняй Алімпіядзе ў 2022 годзе ў Кітаі беларускія спартсмены выйгралі дзве сярэбраныя ўзнагароды: Гуськова заняла другое месца ў лыжнай акрабатыцы, а біятланіст Антон Смольскі паказаў другі рэзультат у індывідуальнай гонцы.-0-
Галоўны старт чатырохгоддзя пройдзе ў Паўночнай Італіі. Цэнтрамі зімовых Гульняў упершыню ў гісторыі з'яўляюцца адразу два гарады - Мілан і Карціна-д’Ампеца, таксама алімпійскія старты прымуць Ро, Асага, Лівінья, Борміа, Прэдаца, Тэзера і Антхольц. Цырымонія адкрыцця разгорнецца на міланскім стадыёне "Сан-Сіра" і пачнецца ў 22.00 па мінскім часе, урачыстае закрыццё Гульняў адбудзецца ў антычным амфітэатры Вероны 22 лютага.
Удзел у зімовай Алімпіядзе-2026 прымуць 2900 спартсменаў з 94 краін, беларусы і расіяне выступяць у нейтральным статусе. За 16 дзён спаборніцтваў атлеты разыграюць 116 камплектаў узнагарод у 16 відах спорту (біятлоне, бабслеі, лыжных гонках, кёрлінгу, гарналыжным спорце, фігурным катанні, фрыстайле, хакеі, санным спорце, лыжным дваябор'і, шорт-трэку, скелетоне, скачках на лыжах з трампліна, скі-альпінізме, снаўбордынгу і канькабежным спорце).
У склад нашай дэлегацыі ўвайшлі сем спартсменак. Лыжніца Ганна Каралёва заяўлена ў трох відах праграмы 7, 10 і 12 лютага, канькабежка Марына Зуева прабяжыць дзве дыстанцыі 7 і 12 лютага, фігурыстка Вікторыя Сафонава выступіць 17 і 19 лютага, слаламістку Марыю Шканаву чакае старт 18 лютага, а лыжныя акрабаты Ганна Гуськова, Ганна Дзяруга і Настасся Андрыянава выйдуць на схіл 17 лютага (і на наступны дзень у выпадку праходжання ў фінал).
Зімовыя Гульні ў Італіі стануць для Беларусі дзясятымі з моманту набыцця незалежнасці. За дзевяць папярэдніх "белых" Алімпіяд нашымі спартсменамі заваявана 20 узнагарод (8 залатых, 7 сярэбраных, 5 бронзавых). Трохразовай алімпійскай чэмпіёнкай Сочы-2014 стала біятланістка Дар'я Домрачава, якая праз чатыры гады разам з сяброўкамі па камандзе Надзеяй Скардзіна, Ірынай Крыўко і Дзінарай Смольскай атрымала перамогу ў эстафеце.
Таксама медалі вышэйшай пробы на зімовых Гульнях бралі фрыстайлісты Аляксей Грышын (2010), Антон Кушнір (2014), Ала Цупер (2014) і Ганна Гуськова (2018). На папярэдняй Алімпіядзе ў 2022 годзе ў Кітаі беларускія спартсмены выйгралі дзве сярэбраныя ўзнагароды: Гуськова заняла другое месца ў лыжнай акрабатыцы, а біятланіст Антон Смольскі паказаў другі рэзультат у індывідуальнай гонцы.-0-
Падпісвайцеся на нас у
