ДЗЯРЖОРГАНЫДЗЯРЖОРГАНЫ
Флаг Панядзелак, 30 студзеня 2023
Мінск -1°C
Усе навіны
Усе навіны
Спорт
09 снежня 2022, 09:04

Амаль 250 юных фігурыстаў збярэ турнір "Кубак Караля Стаха" ў Баранавічах

Фота з архіва
Фота з архіва

9 снежня, Брэст /Кар. БЕЛТА/. Адкрытыя рэспубліканскія спаборніцтвы па фігурным катанні на каньках "Кубак Караля Стаха" пройдуць з 9 па 11 снежня ў Лядовым палацы Баранавіч, паведамілі карэспандэнту БЕЛТА арганізатары.

Для ўдзелу ў спаборніцтвах зарэгістраваліся 247 спартсменаў ва ўзросце ад 4 да 15 гадоў. Гэта прадстаўнікі школ фігурнага катання з Мінска, Гомеля, Баранавіч, Пружан, Івацэвіч. Самую вялікую групу ўдзельнікаў складаюць фігурысты, якія маюць юнацкія разрады. На лёд таксама выйдуць два майстры спорту - з Мінска і Пружан.

Выступленні будуць праходзіць на працягу трох дзён з раніцы і да позняга вечара. Удзельнікі ад катэгорыі "навічок" да 1-га юнацкага разраду будуць спаборнічаць у адвольнай праграме, фігурысты старэйшыя (з 2-га юнацкага разраду да майстроў спорту) прадэманструюць майстэрства валодання каньком у дзвюх праграмах - кароткай і адвольнай.

За скачкамі, кручэннямі, дарожкай крокаў і іншымі элементамі ў выкананні будучых зорак беларускага фігурнага катання змогуць паназіраць усе жадаючыя - уваход на спаборніцтвы будзе свабодным.

Арганізатарамі чэмпіянату выступаюць Беларускі саюз канькабежцаў, хакейны клуб Баранавіч.

Упершыню рэспубліканскія спаборніцтвы па фігурным катанні на каньках прайшлі ў снежні 2021 года ў Гомелі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі