1 снежня, Мінск /Кар. БЕЛТА/. Галоўны трэнер чэмпіёнаў Беларусі футбалістаў салігорскага "Шахцёра" Аляксей Бага пакідае сваю пасаду, паведамляе карэспандэнт БЕЛТА.
Пасля заканчэння сёлетняга чэмпіянату краіны кіраўніцтва салігорскага клуба і яго трэнер прынялі сумеснае рашэнне аб спыненні супрацоўніцтва. Разам з Аляксеем Багам пакідае клуб і яго асістэнт Валерый Тарасенка.
Гэты сезон Аляксей Бага пачаў у казахстанскім "Актабе", а ў верасні замяніў Сяргея Гурэнку ў салігорскім "Шахцёры".-0-