24 сакавіка, Мінск /Кар. БЕЛТА/. Беларуская тэнісістка Аляксандра Сасновіч паспяхова стартавала на турніры катэгорыі WTA-1000 у амерыканскім Маямі з прызавым фондам $8,3 млн, паведамляе карэспандэнт БЕЛТА.
23 сакавіка ў паядынку 1/64 фіналу беларуска, якая займае 60-е месца ў сусветным рэйтынгу, абыграла ў дзвюх партыях кітайскую тэнісістку Сіньюй Ван, у якой 87-я пазіцыя - 7:6 (8:6), 6:4. Сустрэча прадаўжалася 1 гадзіну 40 хвілін. У другім раўндзе Аляксандра Сасновіч згуляе з расіянкай Дар'яй Касаткінай (29-ы нумар рэйтынгу WTA).
Пятая ракетка планеты беларуска Арына Сабаленка ў 1/32 фіналу сустрэнецца з румынкай Ірынай Бегу (70), Вікторыя Азаранка (16) будзе сапернічаць з расійскай тэнісісткай Кацярынай Аляксандравай (54). Вікторыя Азаранка тройчы станавілася пераможцай гэтых спаборніцтваў (2009, 2011, 2016). У 2019 годзе Арына Сабаленка і бельгійка Элізэ Мертэнс выйгралі парныя спаборніцтвы.
Спаборніцтвы ў Маямі завершацца 3 красавіка.-0-
