13 сакавіка, Мінск /Кар. БЕЛТА/. Беларуская тэнісістка Аляксандра Сасновіч не змагла выйсці ў 1/8 фіналу турніру ў амерыканскім Індыян-Уэлсе, паведамляе карэспандэнт БЕЛТА.
Беларуска, якая займае 49-е месца ў сусветным рэйтынгу, сустракалася з другой ракеткай планеты Каралін Вазняцкі з Даніі і павяла ў першым сэце 4:1 з трыма брэйкамі. Потым Аляксандра страціла гульнявы рытм, дапусціла шмат памылак, і саперніца, выйграўшы 5 геймаў запар, перамагла ў першай партыі - 6:4. Другі сэт Сасновіч правяла вельмі добра і выйграла яго з лікам 6:2. Вырашальная партыя атрымалася ўпартай, але ў выніку ўдача была на баку Вазняцкі - 6:3. Да гэтага Сасновіч перамагла польскую тэнісістку Магду Лінет (5:7, 7:6, 7:6) і эстонку Анет Контавейт (6:2, 6:4).-0-
