5 мая, Мінск /Кар. БЕЛТА/. Абаронца "Шахцёра" Аляксандр Сачыўка прызнаны лепшым іграком 7-га тура футбольнага чэмпіянату Беларусі, паведамляе карэспандэнт БЕЛТА.
У гасцявой сустрэчы з рэчыцкім "Спадарожнікам" 35-гадовы ветэран салігорскага клуба быў адным з лідараў каманды і на 36-й мінуце стаў аўтарам пераможнага гола - 2:1. У гэтым першынстве Аляксандр Сачыўка без замен адыграў усе сем паядынкаў, у якіх "Шахцёр" не страціў ніводнага ачка.
Становішча каманд пасля сямі тураў: "Шахцёр" - 21 ачко, БАТЭ - 17, "Дынама" (Мінск) - 14, "Дынама" (Брэст) - 13, "Рух" - 12, "Гомель" - 12, "Іслач" - 12, "Тарпеда-БелАЗ" - 10, "Мінск" - 8, "Віцебск" - 8, "Слуцк" - 6, "Энергетык-БДУ" - 5, "Смаргонь" - 4, "Славія" - 4, "Спадарожнік" - 3, "Нёман" - 3.
Спіс лепшых бамбардзіраў узначальвае гамбійскі нападаючы "Шахцёра" Дэмба Дарба, які забіў 8 мячоў.
У наступным туры згуляюць:
7 мая "Гомель" - "Слуцк", "Смаргонь" - "Нёман";
8 мая "Рух" - "Спадарожнік", "Мінск" - "Віцебск", "Славія" - "Дынама" (Брэст);
9 мая "Энергетык-БДУ" - "Тарпеда-БелАЗ", "Іслач" - "Дынама" (Мінск), "Шахцёр" - БАТЭ.-0-
