10 жніўня, Мінск /Кар. БЕЛТА/. Прадстаўнікі каманды нейтральных атлетаў з Беларусі завяршылі выступленні на XXXIII летніх Алімпійскіх гульнях у Парыжы, паведамляе карэспандэнт БЕЛТА.
На галоўным старце чатырохгоддзя ў сталіцы Францыі выступілі 17 беларускіх спартсменаў. За два тыдні спаборніцтваў нашы атлеты выйгралі адну залатую, дзве сярэбраныя і адну бронзавую ўзнагароды. Два медалі з чатырох былі атрыманы ў скачках на батуце: у мужчын Іван Літвіновіч абараніў званне алімпійскага чэмпіёна, а ў жанчын Віялета Бардзілоўская заняла другую пазіцыю. Таксама серабро ў мужчынскім акадэмічным веславанні заваяваў Яўген Залатой, а ў турніры цяжкаатлетаў у вагавой катэгорыі да 102 кг Яўген Ціханцоў стаў бронзавым прызёрам.
Астатнія прадстаўнікі дэлегацыі нейтральных атлетаў з Беларусі паказалі на парыжскіх Гульнях наступныя вынікі:
Уладзіслаў Кравец, веславанне на байдарках: 4-е месца (1000 м);
Сюзанна Валадзько, цяжкая атлетыка: 4-е месца (да 71 кг);
Юлія Трушкіна, веславанне на каноэ: 5-е месца (200 м);
Таццяна Клімовіч, акадэмічнае веславанне: 8-е месца (адзіночка);
Настасся Шкурдай, плаванне: 8-е месца (200 м на спіне), 20-е месца (100 м на спіне);
Аліна Змушко, плаванне: 8-е месца (100м брасам), 21-е месца (200 м брасам);
Ілья Шымановіч, плаванне: 10-е месца (100 м брасам);
Дар'я Чупрыс, кулявая стральба: 24-е месца (вінтоўка, тры палажэнні);
Аляксандра Пятрова, кулявая стральба: 39-е месца (пісталет, 25 м);
Ганна Церах, веласпорт на шашы: 29-е месца (індывідуальная гонка), 61-е месца (групавая гонка);
Абубакар Хаслаханаў, грэка-рымская барацьба: 1/4 фіналу (да 97 кг);
Магамедхабіб Кадзімагамедаў, вольная барацьба: другі раўнд суцяшальнага турніру (да 74 кг);
Георгій Гурцыеў, тхэквандо: 1/8 фіналу (да 58 кг).-0-
Падпісвайцеся на нас у
