Мабільная версія
ДЗЯРЖОРГАНЫ

Апошнія навіны
Усе навіны

Алена Скрыпель перавыбрана на пасаду старшыні Беларускай асацыяцыі гімнастыкі

Спорт 07.12.2018 | 19:56
Алена Скрыпель. Фота НАК Беларусі
Алена Скрыпель. Фота НАК Беларусі

7 снежня, Мінск /Кар. БЕЛТА/. У Нацыянальным алімпійскім камітэце Беларусі сёння адбылася справаздачна-выбарная канферэнцыя Беларускай асацыяцыі гімнастыкі. На пасаду старшыні гэтай спартыўнай арганізацыі перавыбрана Алена Скрыпель, паведамілі БЕЛТА ў БАГ.

Трэнеры і атлеты асацыяцыі падвялі вынікі апошніх гадоў работы і абмеркавалі, у якім напрамку рухацца ў развіцці гімнастычных відаў спорту. Алена Скрыпель была выбрана аднагалосна. Упершыню яна ўзначаліла БАГ у 2014 годзе.

За апошнія гады значна палепшылася спартыўная база для заняткаў гімнастычнымі відамі. У сакавіку бягучага года адкрыўся Палац мастацкай гімнастыкі, у бліжэйшы час у Віцебску будзе ўведзены ў строй Палац па скачках на батуце. Да 2020 года ў Мінску плануецца пабудаваць новы будынак Беларускай асацыяцыі гімнастыкі.

Канферэнцыю ў НАК, а таксама мерапрыемствы, прысвечаныя 25-годдзю Беларускай асацыяцыі гімнастыкі, наведалі прэзідэнт Еўрапейскага саюза гімнастыкі Фарыд Гаібаў, віцэ-прэзідэнт Міжнароднай федэрацыі гімнастыкі, пяціразовая алімпійская чэмпіёнка Нэлі Кім.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.