15 студзеня, Мінск /Кар. БЕЛТА/. Алена Кручынкіна выступіць за беларускую зборную на пятым этапе Кубка свету па біятлоне, які пройдзе ў Рупольдынгу (Германія), паведамілі карэспандэнту БЕЛТА ў Беларускай федэрацыі біятлона.
Трэнерскі штаб вырашыў правесці замену ў складзе жаночай каманды, адправіўшы Дар'ю Юркевіч на Кубак IBU ў нямецкі Арбер. На маючых адбыцца спаборніцтвах Кубка свету ў Рупольдынгу Алена Кручынкіна выступіць разам са сваёй сястрой Ірынай, Ганнай Солай, а таксама алімпійскімі чэмпіёнкамі Пхёнчхана Ірынай Крыўко і Дзінарай Алімбекавай.
У мужчынскую каманду ўвайшлі Уладзімір Чапелін, Сяргей Бачарнікаў, Антон Смольскі, Раман Ялётнаў і Мікіта Лабастаў (рэзерв).
Арганізатары з-за моцных снегападаў перанеслі старт этапу з 16 студзеня на адзін дзень пазней. 17 студзеня спачатку на старт выйдуць мужчыны ў спрынтарскай гонцы на 10 км (13.00), потым мацнейшых у спрынце вызначаць жанчыны (16.30). Эстафетныя гонкі адбудуцца ў мужчын 18 студзеня (16.30), у жанчын - 19 студзеня (16.30). Завершыцца этап Кубка свету па біятлоне ў Рупольдынгу 20 студзеня двума мас-стартамі.-0-