12 мая, Мінск /Кар. БЕЛТА/. Экспазіцыя ў музеі НАК Беларусі пройдзе ў новым фармаце, паведамілі карэспандэнту БЕЛТА ў прэс-службе Нацыянальнага алімпійскага камітэта.
Штогод 18 мая святкуецца Міжнародны дзень музеяў. "Нацыянальны алімпійскі камітэт Беларусі ў бягучым годзе да гэтай даты прадставіць новы, інтэрактыўны фармат свята. Алімпійскі музей на афіцыйных старонках у сацсетках да 24 мая будзе прадстаўляць адзін каштоўны прадмет з экспазіцыі і расказваць гісторыю чалавека або падзеі, якія звязаны з ім", - сказалі ў прэс-службе.
Акцыя "Ноч музеяў" упершыню прайшла ў Берліне ў 1997 годзе і атрымала падтрымку ў многіх іншых вялікіх гарадах Еўропы. Як правіла, 18 мая музеі працуюць усю ноч. Два гады таму да акцыі далучыўся НАК Беларусі. Напрыклад, у 2019-м на "Ноч музеяў" у штаб-кватэру алімпійскага камітэта прыйшлі знакамітыя беларускія спартсмены, чэмпіёны і прызёры Гульняў, шмат наведвальнікаў убачылі ўнікальныя экспанаты.-0-
