Мабільная версія
ДЗЯРЖОРГАНЫ

Апошнія навіны
Усе навіны

"Аякс" сенсацыйна адолеў "Ювентус" у 1/4 фіналу Лігі чэмпіёнаў, "Барселона" разграміла "МЮ" і таксама прайшла далей

Спорт 17.04.2019 | 11:32
Матэйс дэ Лігт святкуе пераможны гол у матчы з "Ювентусам". Фота афіцыйнага twitter-акаўнту УЕФА
Матэйс дэ Лігт святкуе пераможны гол у матчы з "Ювентусам". Фота афіцыйнага twitter-акаўнту УЕФА

17 красавіка, Мінск /Кар. БЕЛТА/. Першымі паўфіналістамі футбольнай Лігі чэмпіёнаў сталі іспанская "Барселона" і галандскі "Аякс", паведамляе карэспандэнт БЕЛТА.

Футбалісты "Барсы" ў першым паядынку 1/4 фіналу адолелі ў гасцях англійскі "Манчэстэр Юнайтэд" (1:0) і на сваім стадыёне замацавалі поспех - 3:0. Праўда, гульня на "Камп Ноу" пачалася з атак гасцей, але ў хуткім часе гаспадары трывала завалодалі ініцыятывай. На 10-й мінуце нямецкі рэферы Фелікс Брых спачатку назначыў пенальці ў вароты "Манчэстэр Юнайтэд", але пасля відэапрагляду адмяніў сваё рашэнне. Аднак хутка сваё важкае слова сказаў лідар "Барселоны" Ліянэль Месі, які аформіў галявы дубль на працягу чатырох мінут. Прычым абодва свае мячы аргенцінец забіў ударамі з 20 м. У другім тайме гаспадары прадаўжалі кантраляваць ход паядынку, і на зыходзе гадзіны гульнявога часу Філіпэ Каўціньё далёкім ударам завяршыў камбінацыю, пачатую Ліянэлем Месі - 3:0.

Лідар італьянскага першынства турынскі "Ювентус" пасля нічыёй у Амстэрдаме з галандскім "Аяксам" (1:1) у сябе дома адкрыў лік на 28-й мінуце пасля ўдару Крышціяну Раналду. Аднак гаспадары нядоўга былі наперадзе: праз 5 мінут Доні ван дэ Бек аднавіў раўнавагу ў ліку. Пасля перапынку госці дабіліся яшчэ большага - Матэйс дэ Лігт вывеў "Аякс" наперад - 2:1. Усе спробы "Ювентуса" адыграцца да поспеху не прывялі і далей ідзе галандская дружына.

Яшчэ два чвэрцьфіналы чэмпіёнскай Лігі ў адказ адбудуцца сёння. У другой частцы англійскага дэрбі футбалісты лонданскага "Тотэнхэма" ў гасцях у "Манчэстэр Сіці" паспрабуюць утрымаць мінімальную перавагу, здабытую на сваёй новай арэне (1:0). Лідар англійскага чэмпіянату "Ліверпуль", які перамог у сябе дома партугальскі "Порту" (2:0), і на выездзе не збіраецца ўступаць сапернікам дарогу ў паўфінал.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.