ДЗЯРЖОРГАНЫДЗЯРЖОРГАНЫ
Субота, 23 студзеня 2021
Мінск Суцэльная воблачнасць +1°C
Усе навіны
Усе навіны
Спорт
03 снежня 2020, 16:41

Адкрыты зварот беларускай спартыўнай грамадскасці можна падпісаць анлайн

3 снежня, Мінск /Кар. БЕЛТА/. Адкрыты зварот вядомых беларускіх атлетаў, чэмпіёнаў і прызёраў Алімпійскіх гульняў, сусветных, еўрапейскіх і нацыянальных пяршынстваў да міжнароднай і беларускай грамадскасці ў імя стварэння і міру цяпер можна падпісаць у інтэрнэт-прасторы на платформе athletes.by. Аб гэтым БЕЛТА паведамілі ў прэс-службе НАК.

Любы жадаючы спартсмен, трэнер можа зайсці на старонку і падтрымаць ініцыятыву. Да звароту выказалі жаданне далучыцца і штатныя супрацоўнікі спартыўнай сферы Беларусі.

"Пісьмо ў імя стварэння і міру ўжо ўласнаручна падпісалі многія вядомыя атлеты, трэнеры, чэмпіёны і прызёры Алімпійскіх гульняў, сусветных і еўрапейскіх пяршынстваў, прадстаўнікі нацыянальных каманд, ветэраны спорту, сярод якіх чэмпіёны і прызёры Гульняў Аляксандр Мядзведзь, Кацярына Карстэн, Аляксандр і Андрэй Багдановічы, Антон Кушнір, Аляксандр Масяйкоў, Яніна Правалінская-Карольчык, Сяргей Булыгін, Наталля Цылінская, Любоў Чаркашына і іншыя. Гэтыя подпісы таксама будуць улічаны і ўнесены на платформу athletes.by. Звяртаем увагу, што платформа пастаянна абнаўляецца", - гаворыцца ў паведамленні.

НАК таксама заклікаў СМІ выкарыстоўваць у сваіх матэрыялах дакладную і актульную інфармацыю аб рабоце платформы.

Нагадаем, з ініцыятывай звярнуцца ў Міжнародны алімпійскі камітэт ад асобы беларускіх атлетаў заявіла ў ходзе рабочай нарады 17 лістапада ў НАК Беларусі чэмпіёнка Еўрапейскіх гульняў у Баку і Мінску па барацьбе жаночай Васіліса Марзалюк. Удзельнікі нарады згадзіліся з меркаваннем, што калі ініцыятыва звярнуцца ў МАК будзе ісці ад большасці беларускіх спартсменаў, то яе трэба падтрымаць.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі